सोलोंथाइनि जांख्रिखांनायाव साफ्रोम फरायसाफोरजों लोगोसे बिमा बिफायाबो बाहागो लाफाथारनांगोन : दिपेन बर'

Kokrajhar : दुलाराय बर' फरायसा आफादनि खुंगा 30थि बोसोरसालिया जथुम्मा लोगोसे सिमेन दख'रा दुलाराय बर' फरायसा आफादनि खुंगा 34थि बोसोरसालिया जथुम्माया धेमाजि जिल्लानि सिङाव थानाय सानजारि नोगोर सिमेन सापरि हालामनि समकं रंग' मन्चआव साननैनि (28 आरो 29 दिसेम्बर इं 2024) मेहेरगोनां हाबाफारिजों खुंफुंजाबाय।

Dipen Boro, ABSU President 

धेमाजि जिल्ला दुलाराय बर' फरायसा आफादनि आफादगिरि मानगोनां तेनजिं बर' बिथांनि मासि लानानै दैदेननाय गेवलां मेलखौ बेखेवनानै होयो बर' कछारि गावहायुं खुंथाइनि गाहाइ मावफुं सोद्रोमा मानाव गेदेर मुस्रि मिहिनेस्वर बसुमतारी बिथाङा। गेवलां मेलाव गाहाइ आलासि महरै बाहागो लायो मिरु दुलाराय बर' फरायसा आफादनि मानाव गेदेर मुस्रि दिपेन बर' बिथिङा।

मख'जाथावदि दिनैनि गेवलां मेलाव थांखिजानाय बुंथिगिरि महरै बाहागो लायो राज्यो सभानि एम.पि मानाव गेदेर मुस्रि रोनगोरा नारजारि, माननि आलासि महरै बाहागो लायो फारियै बर' कछारि गावहायुं खुंथाइनि लेङाइ मावफुं सोद्रोमा मानगोनां मुस्रि रमिअ पि नारजारि, बर' थुनलाइ आफादनि नेहाथारि मानगोनां मुस्रिमा सोरजिला औवारि, दुलाराय बर' फरायसा आफादनि नेहाथारि मानगोनां बड'सा ब्रह्म, बि.पि.सि.सि नि गाहाइ लिंथुमगिरि मानगोनां मुस्रि सिब'राम बसुमतारी, ए.पि.पि.एस.इउ नि बारग' बोसोनगिरि मानगोनां नेना खाडु, बर' बिमा गौथुमनि लिंथुमगिरि मानगोनां मुस्रिमा फामे स्वरगियारि, बारग' एन.डि.एफ.बि (बि.टि.आर नि बायजो) नि आफादगिरि मानगोनां धरमेस्वर बसुमतारी, बारग' बि.एल.टि (बि.टि.आर नि बायजो) नि गाहाइ नेहाथारि मानगोनां मुस्रि बिस्तिराम नारजारि बिथांमोनजों लोगोसे गुबुन गुबुन माहारियारि आफादनि आफादगिरि/नेहाथारि, मैखोम दैदेनगिरि, ओनसोलनि मेलेमजिबि आरो धेमाजि जिल्ला दुलाराय बर' फरायसा आफादनि सिङाव थानाय मोनद' दख'रानि बिबानगिरिफोरजों लोगोसे गोबां राज्यो-राजाफोरनि नुजाथिनायाव दिनैनि गेवलां मेला गाबगोनांसिन जायो।