बर' आइजो लिरगिरि गौथुमा गावारि सोरजिनाय गां 15 गोदान बिजाबफोरखौ बेखेवदों

Kokrajhar: कक्राझार सोहोराव थानाय Native Institute of Bodology (NIB) नि मावखुलियाव थानाय सावराय नब्लाङाव दिनै गां 15 बिजाब फारियै अन्जुनि "रायथाइ आरो सावरायथाइ" , मीरा ब्रह्मनि "थाखोमानाय बरादनि सेर सेर" , (खन्थाइ), ड० इन्दिरा बर'नि "थुनलाइयाव समाज सान्थौ आरो गुबुन गुबुन" (सावरायथाइ), भार्जिन जेक'भा मोसाहारिनि "रायथाइ लिरथुम" (रायथाइ), ड० इन्दिरा बर' आरो ड० लाइस्रि महिलारिनि "राव , थुनलाइ आरो हारिमुनि जौगालु दाहार" (रायथाइ), सुनीति बसुमतारीनि "दांग्रिसे खन्थाइ-मेथाइ बिदां" (खन्थाइ आरो मेथाइ), धीर्जयु ज्योतिनि "सिखाव" (सुंद' सल'), अनिला बसुमतारिनि "दों जौसे बाथ्रा फांथे खन्थाइ" (खन्थाइ ), ड० दिपाली खेरकाटारीनि "दाया सोरनि" (सुं' सल'), नीला हायनारिनि "माइब्रा हाजो" (खन्थाइ), 

जयस्रि बसुमतारिनि "दोंसे लामानि आरिमु" (खौरांगासे थुनफावथाइ), जेनेभा मुछाहारिनि "गोजाननि समायना हाजो" (खौरांगासे थुनफावथाइ), चम्पाबती ब्रह्मनि "आसिननि दुब्लि" (खन्थाइ), भबानि बाग्लारिनि "जिउनि बुब्लि" आरो हिरेन बसुमतारनि "थरथिंसे गोरबोनि मोदै" गासै गां 15 बिजाबफोरखौ दिनै बर' थुनलाइ आफादनि आफादगिरि ड० सुरथ नारजारि, कक्राझार हिनजावसा फरायसालिमानि गोरायुं ड० आदाराम बसुमतारि आरो गुबुन गुबुन बर'नि गागि आइजो लिरगिरिफोरनि नुजाथिनायाव बेखेवो बर' आइजो लिरगिरि गौथुमा।